وتر صوتی اختفه ابلفت کمانه
وامن اعلیک مــا ریـدن کمانه
تحبنی الـــگلب اشرلی کمانه
احبک یا حبیبی اتشوف بیـــه
طفل مفطوم هم تدری ونحبی
علیک او دورت کتری ونحبی
تولد حبکم ابگلبی ونحبی
فضحنی اشما اسکته ایصیح بیه
طــــیر الــفرح بعدک طر سفنحل
لــــئن بـــــحر الاحبه طر سفنحل
ســـل جسمی لون مر طر سفنحل
خرس واطرش عمه او کل آه بیــه
علی فله المشاکل همل و شمل
اوضعت بجنوبی تالی العمر وشمل
صح مل الحزن من جیت وشمل
خلصت اوداعتک حط مرض بیه
الچان ایعیش من زندی ویعراس
طحت و ابگلبا چن زفه ویعراس
المادبر حچی نفسه ویعراس
عشرته او حچیه شب نیران بیه
کفیل الروح بعدک ماکفاله
او شرب من مای عینی ماکفاله
نبت بل صدر سیفه ماکفاله
یگل ربعا او یقمج اصواب بیه
ماتم الصبر بل عمر حاتم
او اشیل امنل مآسی گلب حاتم
اذا یکرم ابزنده الضیف حاتم
انه افدی الروح لل روحا ابیه
ابنهر دمعی اذا عندک حطبلام
اوتعنه الونتی او تسمع حطبلام
الشامت من عضم جسمی حطبلام
ابموگد للشته او شب نار بیه
کتبت ابقلمی لل طارش خطیته
امانه او ذمتی ماشالت خطیته
لحته اوداعتک لحته خطیته
ابوکاحه ایگول ماکو اصواب بیه
کلام الزین مثل الزاد لا ذات
اله و اهل الفهم بل عگل لاذات
ناس العده ذات او ناس لاذات
لاترهم و لا تمشی سویه
تویر موگد ابصدری کراها
اونخلتی الخصم بچفوفا کراها
انا اویه الناس ماعندی کراها
الکراها البعض جابوها علیه
اذا حسیت عندک والحیایه
دمر بهل المقابر و الحیایه
الحیایه اتموت صدگ والحیایه
عظمهه ایضل عدل ینحسب حیه
ضیعت البچالی و نعالی
اوسابع جار یشکی و نعالی
طحت بین الحوافر و نعالی
او خیل ابلا رسن داست علیه